«Мектепке дейінгі тәрбие мен оқыту педагогтерінің кәсіби құзыреттілігін арттыру» мектепке дейінгі ұйымдардың тәрбиешілерінің, әдіскерлерінің және басшыларының біліктілігін арттырудың білім беру бағдарламасы
16 сентября 2024 г.
«Мектепке дейінгі тәрбие мен оқыту педагогтерінің кәсіби құзыреттілігін арттыру» мектепке дейінгі ұйымдардың тәрбиешілерінің, әдіскерлерінің және басшыларының біліктілігін арттырудың
білім беру бағдарламасы
Астана-2024
МАЗМҰНЫ
|
1. |
Жалпы ережелер |
|
|
2. |
Глоссарий |
|
|
3. |
Бағдарламаның тақырыптары |
|
|
4. |
Бағдарламаның мақсаты, міндеттері және күтілетін нәтижелері |
|
|
5. |
Бағдарламаның құрылымы мен мазмұны |
|
|
6. |
Оқу процесін ұйымдастыру |
|
|
7. |
Бағдарламаны оқу-әдістемелік қамтамасыз ету |
|
|
8. |
Бағдарлама нәтижелерін бағалау |
|
|
9. |
Курстан кейінгі қолдау |
|
|
10. |
Негізгі және қосымша әдебиеттер тізімі |
|
1. Жалпы ережелер
Қазақстан Республикасында мектепке дейінгі тәрбие мен оқытуды дамыту бойынша жүйелі шаралар кешені жүзеге асырылуда.
2022 жылдан бастап мектепке дейінгі тәрбиелеу мен оқытуды дамыту моделін іске асырудың аясында (ҚР Үкіметінің 2021 жылғы 15 наурыздағы № 137 қаулысы) нормативтік құқықтық актілер қайта қаралды және қолданысқа енгізілді, оның ішінде мектепке дейінгі тәрбие мен оқытудың мемлекеттік жалпыға міндетті стандарты (ҚР ОАМ 2022 жылғы 3 тамыздағы № 348 бұйрық) (бұдан әрі – Стандарт), Үлгілік оқу жоспары (ҚР ОАМ 2021 жылғы 20 желтоқсандағы № 557 бұйрық), Үлгілік оқу бағдарламасы (ҚР ОАМ 2016 жылғы 12 тамыздағы № 499 бұйрық) (бұдан әрі – Үлгілік бағдарлама).
Қазақстанның білім беру саласындағы мемлекеттік саясаты әр баланың өмірінің сәтті бастамасы ретінде сапалы мектепке дейінгі тәрбие мен оқытуға тең қолжетімділікті қамтамасыз етуге бағытталған.
Білім сапасы педагогтердің кәсіби құзыреттілік деңгейіне тікелей байланысты. Мемлекет басшысы мектепке дейінгі педагогтердің мәртебесін, кәсіби әлеуетін арттыру міндетін қойды.
Біліктілікті арттыру жүйесін жаңғырту құзыреттілік көзқарасқа негізделген, оның мақсаты кәсіби дағдылардың интегративті көрсеткіштері ретінде маманда құзыреттерді дамыту; тұлғалық қасиеттер, оларды кәсіби қызметте тиімді пайдалану.
Кадрлардың үздіксіз кәсіптік білім беру жүйесінде біліктілігін арттыру педагогтердің кәсіби мүмкіндіктерінің аясын кеңейту және кәсіби шеберлігін арттыру механизмі ретінде қарастырылады.
Білім беру бағдарламасының өзектілігі мынада:
- мектепке дейінгі ұйым басшыларының басқару дағдылары мен құзыреттерінің сапасын арттыру;
- педагогикалық процесті ұйымдастыруда педагогтерге әдістемелік көмек көрсету;
- балалармен қарым-қатынас жасаудың жаңа тәсілдерін, тәрбиелеу-білім беру процесіне шығармашылық көзқарасты меңгеру үшін педагогтің ой-өрісін өзгерту.
«Мектепке дейінгі тәрбие мен оқыту педагогтерінің кәсіби құзыреттілігін арттыру» білім беру бағдарламасы Модельге, Стандарт талаптарына және Үлгілік бағдарламаға сәйкес әзірленді.
«Мектепке дейінгі тәрбие мен оқыту педагогтерінің кәсіби құзыреттілігін арттыру» білім беру бағдарламасы мектепке дейінгі ұйымдардың педагогтерінің, әдіскерлерінің мен басшыларының кәсіби және тұлғалық қасиеттерін дамытуға бағытталған.
2. Глоссарий
Үлгілік оқу бағдарламасы – Қазақстан Республикасының білім беру саласындағы Мемлекеттік жалпыға міндетті білім беру стандартының негізінде әзірленген, үлгілік оқу жоспарына сәйкес білім беру мазмұнын зерделеудің көлемі мен тәртібін айқындайтын, негізгі білім мен дағдының ауқымын көрсететін құжат.
Педагог – тиiстi бейiні бойынша педагогикалық немесе өзге де кәсiптiк бiлiмi бар тәрбиеленушiлердi тәрбиелеу мен оқыту, білім беру қызметін ұйымдастыру және (немесе) әдістемелік қамтамасыз ету бойынша кәсіби қызметті жүзеге асыратын тұлға.
Модуль – бұл бір құзыреттілікті (әдетте кәсіби) немесе бітірушінің құзыреттіліктер тобын (мысалы, бір немесе бірнеше мәселелерді шешуге арналған барлық кәсіби құзыреттер) дамытуға бағытталған негізгі немесе қосымша білім беру бағдарламасының үлкен құрылымдық элементі.
Басқару – әрбір білім беру мекемесінің, барлық буындардың және тұтас жүйенің қалыптасуын, оңтайлы жұмыс істеуін және міндетті дамуын қамтамасыз ететін барлық субъектілердің мақсатты қызметі.
Дамытушы орта – заттар мен ойыншықтарға еркін қолжетімділікті және немен айналысатынын өз бетінше таңдауын, күні бойы өз идеяларын іске асыру мүмкіндігін қамтамасыз ететін, балалардың бастамасын қолдау үшін жоспарланған әртүрлі материалдары бар орта.
Құзіреттілік – бұл маманның (қызметкердің) кәсіби мәселелерінің белгілі бір класын шешудегі жеке қабілеті.
Мектепке дейінгі ұйымдағы әдістемелік жұмыс – ғылым жетістіктері мен озық педагогикалық тәжірибеге негізделген біртұтас, әрбір тәрбиешінің және жалпы ұжымның біліктілігі мен кәсіби шеберлігін жан-жақты арттыруға бағытталған өзара байланысты шаралар жүйесі.
Модель – мектепке дейінгі тәрбие мен оқытуды дамыту мен жетілдіру бағыттарын айқындайтын тәсілдер мен ұстанымдар жиынтығы.
Кәсіби құзыреттілік - бұл тапсырмаларды тиімді шешуге және өз жұмысында дамуға көмектесетін Дағдылар мен білімдердің, жеке және іскерлік қасиеттердің жиынтығы.
3. Бағдарламаның тақырыптары
«Мектепке дейінгі тәрбие мен оқыту педагогтерінің кәсіби құзыреттілігін арттыру» мектепке дейінгі ұйымдардың педагогтеріне, әдіскерлері мен басшыларына арналған біліктілігін арттыру курстарының білім беру бағдарламасының жаңашылдық дәрежесі, бағдарламаның мазмұнында отандық және халықаралық тәжірибені есепке алуымен байланысты.
Білім беру бағдарламасы мектеп жасына дейінгі балаларды тәрбиелеу мен білім беруде отандық және халықаралық тәжірибені, ұлттық құндылықтарды ескереді;
мектепке дейінгі ұйымдар көрсететін қызметтердің сапасын қамтамасыз ету үшін педагогтердің, әдіскерлер мен басшылардың кәсіби құзыреттілігін арттыру көзделеді;
мақсаты мен міндеттері, басқару мазмұнын қалыптастыру идеясы, мектепке дейінгі ұйымның қызметін ұйымдастырудың нысандары мен құралдары, басқарудың негізгі принциптері мен нормативтік құқықтық актілерге сәйкес жұмыс ерекшеліктері көрсетіледі;
мектепке дейінгі ұйымның тәрбиеленушілерінің отбасымен өзара әрекеттесуінің және серіктестігінің негізгі принциптері, нысандары белгіленді.
4. Бағдарламаның мақсаты, міндеттері және күтілетін нәтижелері
Бағдарламаның мақсаты: Модельді іске асыру аясында педагогтердің мектеп жасына дейінгі балалар іс-әрекетінің барлық түрлерінде инновациялық әдістерді қолдануды, мектепке дейінгі ұйымды басқаруда әдіскерлер мен басшылардың тұлғаға бағытталған тәсілді енгізуде педагогтердің кәсіби құзыреттілігін арттыру.
Бағдарламаның міндеттері:
- мектепке дейінгі білім беру жүйесін реттейтін нормативтік құқықтық актілерді қолдану дағдыларын бекіту;
- тиімді кәсіби нәтижелерге жету үшін тыңдаушылардың ақпараттық, технологиялық және коммуникативтік құзыреттілігін арттыру;
- курс тыңдаушыларының жеке қажеттіліктеріне сүйене отырып, олардың кәсіби даму перспективаларын анықтау.
Күтілетін нәтижелер:
- өз қызметінде мектепке дейінгі білім беру жүйесін реттейтін нормативтік құқықтық актілерді қолданады;
- мектеп жасына дейінгі балаларды тәрбиелеу мен дамытудың заманауи әдістері туралы білімдерін жүйелеу және жалпылау;
- тәрбиелеу-білім беру процесін әдістемелік қамтамасыз ету;
- өз кәсіби құзыреттілігін арттыру перспективаларын анықтау.
5. Бағдарламаның құрылымы мен мазмұны
Бағдарлама 5 модульді қамтиды:
1 Модуль. «Мектепке дейінгі тәрбиелеу мен оқыту жүйесіндегі мемлекеттік саясаттың негізгі бағыттары»;
2 Модуль. «Мектепке дейінгі ұйымды басқарудағы басшының қызметі, әдіскердің әдістемелік көмек көрсетуі»;
3 Модуль. Мектепке дейінгі ұйым педагогтерінің тәрбиелеу-білім берудегі іс-әрекетінің мазмұны;
4 Модуль. Мектепке дейінгі ұйым педагогтерінің өзін-өзі дамытуы;
5 Модуль. «Өзіндік жұмыс және бағалау».
6. Оқу процесін ұйымдастыру
Оқыту білім беру ұйымының өтініші немесе тыңдаушының жеке өтініші негізінде жүзеге асырылады.
Біліктілікті арттыру курстары қашықтықтан оқыту режимінде курстың тақырыптық-оқу жоспарына сәйкес ұйымдастырылады. Курстың ұзақтығы – 80 сағат.
Оқыту нысаны: кәсіби қызметтен қол үзбей, қашықтықтан оқыту технологияларын қолдану.
Оқу процесін қашықтықтан ұйымдастыру кезінде 30% (24 сағат)- синхронды оқытуға (онлайн дәрістер/вебинарлар) және 70% (56 сағат)- асинхронды режимде тыңдаушының өзіндік жұмысына (бұдан әрі – ТӨЖ) белсенділік тәсіліне негізделген уақыт бөлінеді, барған сайын күрделене түсетін шараларды ұйымдастыруды көздейді. Бағдарламаны меңгеру барысында тыңдаушылар практикалық іс-әрекетте қажетті материалдарды әзірлейді.
Онлайн оқыту арқылы оқу процесін әртүрлі платформалар мен құралдарды пайдалана отырып ұйымдастыруға болады, мысалы Zoom, Google Meet, Microsoft Teams және т.б.
Онлайн оқытудағы оқу процесінің негізгі кезеңдері:
1. Ұйымдастыру кезеңі. Бұл кезеңде бағдарлама тыңдаушылары бағдарламамен, тренермен, басқа да тыңдаушылармен және оқыту жүйесімен танысады.
2. Оқыту процесі. Бұл кезеңде бағдарлама тыңдаушылары бағдарламалық материалдармен танысады, тапсырмаларды орындайды және талқылауларға қатысады.
3. Бақылау және бағалау. Бұл кезеңде бағдарлама тыңдаушылары өз жобаларын ұсынып, тренерден кері байланыс алады.
Бағдарламаны аяқтау мерзімі жалпы білім беретін ұйымның тыңдаушысымен жасалған келісім шартымен белгіленеді.
Оқуды сәтті аяқтаған соң сертификат беріледі.
7. Бағдарламаны оқу-әдістемелік қамтамасыз ету
Оқу-әдістемелік қамтамасыз ету Бағдарламаның мақсатына, міндеттеріне, күтілетін нәтижелеріне және мазмұнына сәйкес жүзеге асырылады.
Курстың тақырыптық-оқу жоспары негізінде (бұдан әрі – ТОЖ) оқу-әдістемелік кешен (бұдан әрі – ОӘК) әзірленеді, ол оқуға қажетті теориялық материалды, интерактивті дәрістердің мазмұнын презентациялар, тренингтермен, вебинарларды, практикалық жұмыстар мен өзіндік жұмыстарға арналған тапсырмаларды, қорытынды бақылауды, ұсынылатын әдебиеттер тізімін қамтиды.
Тыңдаушыларға курстық сабақтардың, вебинарлардың әрбір тақырыбы бойынша теориялық материалдар мен презентациялар, талдау және талқылау үшін үлгі тапсырмалар беріледі. Курс бойынша қосымша ақпарат бар көздеріне сілтемелер беріледі.
Курста практикалық жұмыс барысында шешілетін тапсырмалар қарастырылған.
1 Модуль. Мектепке дейінгі тәрбие мен оқыту жүйесіндегі мемлекеттік саясаттың негізгі бағыттары
Модульдің өзектілігі
Модуль тыңдаушыларды өз жұмысында басшылыққа алатын мектепке дейінгі тәрбие мен оқыту жүйесіндегі мемлекеттік саясаттың негізгі бағыттары мен қағидаттарымен, бекітілген нормативтік құқықтық актілермен танысуға шақырады.
Модуль мектепке дейінгі ұйымдардың педагогтерінің, әдіскерлерінің және басшыларының мектепке дейінгі білім берудің нормативтік құқықтық актілерін білудегі кәсіби және тұлғалық құзыреттіліктерінің қажетті деңгейін дамытуға бағытталған.
Модуль міндеттері:
1) мектепке дейінгі тәрбие мен оқыту жүйесіндегі мемлекеттік саясаттың негізгі бағыттарын қарастыру;
2) мектепке дейінгі тәрбие мен оқыту жүйесін реттейтін нормативтік құқықтық актілерді таныстыру.
Күтілетін нәтижелер:
1) мектепке дейінгі тәрбие мен оқыту жүйесіндегі мемлекеттік саясаттың негізгі бағыттарын біледі;
2) мектепке дейінгі тәрбие мен оқыту жүйесінің нормативтік құқықтық актілері шеңберінде тәрбиелеу-білім беру процесін жүзеге асырады.
2 Модуль. «Мектепке дейінгі ұйымды басқарудағы басшының қызметі, әдіскердің әдістемелік көмек көрсетуі»
Модульдің өзектілігі
Модуль мазмұны тыңдаушылардың мектепке дейінгі ұйымның әдіскері және басшысы ретіндегі кәсіби құзыреттіліктерін, стратегиялық жобалау дағдыларын дамытуға, мектепке дейінгі ұйымның педагогикалық процесін үйлестіруге, педагогикалық ұжымда тиімді тұлғааралық қарым-қатынасты ұйымдастыруға бағытталған.
Сонымен қатар МДҰ әдіскері мен басшысы қызметін ақпараттық қамтамасыз етуге және ақпараттық технологияларды басқаруға бағытталған. Сондай-ақ мектепке дейінгі білім беруде жобалық іс-әрекетті ұйымдастырудың әдістері мен формаларын меңгереді, заманауи педагогикалық технологиялармен (ойын технологиялары, АКТ технологиялары және т.б.) және оларды МДҰ тәрбиелеу-білім беру процесінде пайдалану мүмкіндіктерімен танысады.
Модуль міндеттері:
1) мектепке дейінгі ұйым басшысының кәсіби құзыреттілігін және стратегиялық жобалау дағдыларын дамыту;
2) педагогикалық ұжымда тиімді тұлғааралық коммуникацияны құру;
3) мектепке дейінгі ұйымның тәрбиелеу-білім беру процесін үйлестіру.
Күтілетін нәтижелер:
1) мектепке дейінгі ұйым басшысының кәсіптік құзыреттері мен стратегиялық жобалау дағдыларына ие болады;
2) педагогикалық ұжымда тиімді тұлғааралық қарым-қатынасты қамтамасыз етіледі;
3) мектепке дейінгі ұйымның педагогикалық процесін ұйымдастырады.
3 Модуль. «Мектепке дейінгі ұйым педагогтерінің тәрбиелеу-білім берудегі іс-әрекетінің мазмұны»
Модуль өзектілігі
Модуль мазмұны тыңдаушылардың түсінігін кеңейтуге, педагогикалық ізденіске белсенді түрде араласуға, тәрбиеленушілермен қарым-қатынас жасаудың жаңа тәсілдерін меңгеруге, стандартты емес педагогикалық мәселелерді шешуге, тәрбиелеу-білім беру үдерісіне шығармашылық көзқараспен қарауға, нәтижесін болжай білуге, кәсіби құзыреттілік деңгейін арттыруға бағыттайды.
Модуль балалардың қызығушылықтарын ескере отырып, балалардың түрлі әрекеттерін ойын түрінде ұйымдастыруға және өткізуге бағытталған; тәрбиелеу-білім беру процесін әдістемелік қамтамасыз ету.
Модуль міндеттері:
1) тәрбиелеу-білім беру процесін жоспарлау және ұйымдастыру;
2) педагогтердің жұмысын үйлестіреді және әдістемелік көмек көрсетеді;
3) ата-аналарды мектепке дейінгі ұйымның тәрбиелеу-білім беру процесіне тарту.
Күтілетін нәтижелер:
1) тәрбиелеу-білім беру процесін жоспарлайды және әдістемелік қолдау білдіреді;
2) тәрбиелеу-білім беру процесін үйлестіреді;
3) ата-аналарды мектепке дейінгі ұйымның тәрбиелеу-білім беру процесіне тартады.
4 Модуль. «Мектепке дейінгі ұйым педагогтерінің өзін-өзі дамытуы»
Модуль өзектілігі
Модуль мазмұны тыңдаушылардың мектепке дейінгі ұйым тәрбиешісінің қазіргі кәсіби іс-әрекетінің шарттары туралы түсініктерін кеңейтуге бағыттайды.
Модуль барысында тыңдаушылар тәрбиешілерді үздіксіз кәсіби дамытудың мәні мен принциптерін зерттейді, өзін-өзі дамыту және өзін-өзі жетілдіру әдістерін меңгереді. Педагогтерді аттестаттау ережелерін қарастырады.
Модуль міндеттері:
1) шетелдік және отандық тәжірибе негізінде заманауи мектепке дейінгі тәрбиешінің кәсіби қызметі туралы идеяларды кеңейту;
2) педагогтің шығармашылық әлеуетін анықтау.
Күтілетін нәтижелер:
1) шетелдік және отандық тәжірибе негізінде қазіргі заманғы мектепке дейінгі тәрбиешінің кәсіби қызметі туралы түсінікке ие болады;
2) тәрбиелеу-білім беру үрдісінде шығармашылық әлеуетін пайдаланады, өз ойын білдіреді.
5 Модуль. «Өзіндік жұмыс және бағалау»
Модуль өзектілігі
Қорытынды модуль барысында оқытудың қорытындысы шығарылады, курстық оқыту рефлексияланады, ұсынылған тақырыпқа сәйкес мектепке дейінгі білім беруді дамыту жобасы жасалады, жоба бойынша топтық жұмыс жүргізіледі, жоба ұсынылып, қорғалады.
Әрбір модуль тәжірибелік жұмыспен, содан кейін өзін-өзі және өзара бағалаумен сүйемелденеді.
Модуль міндеттері:
1) тыңдаушылардың кәсіби іс-әрекетіндегі мәселелерді анықтау;
2) білім беру бағдарламасының мазмұнын меңгеру деңгейін анықтау.
Күтілетін нәтижелер:
1) кәсіби қызметтегі мәселелерді ой елегінен өткізеді.
2) білім беру бағдарламасының мазмұнын меңгеру деңгейін бағалайды.
Курстың тақырыптық-оқу жоспары
|
№ |
Сабақтардың тақырыптары |
Онлайн лекция/ Вебинар |
Практикалық жұмыс |
Ты4даушының өзіндік жұмысы |
Барлығы |
|
Модуль. Мектепке дейінгі тәрбие мен оқыту жүйесіндегі мемлекеттік саясаттың негізгі бағыттары |
3 |
|
6 |
9 |
|
|
1.1 |
Мектепке дейінгі білім беруді нормативтік-құқықтық қамтамасыз ету: ҚР «Білім туралы» Заңы Мектепке дейінгі тәрбие мен оқытуды дамыту моделі (ҚР Үкіметінің 2021 жылғы 15 наурыздағы №137 қаулысы) Мектепке дейінгі тәрбие мен оқытудың мемлекеттік жалпыға міндетті стандарты (ҚР ОАМ 2022 жылғы 3 тамыздағы № 348бұйрық) Үлгілік оқу жоспары (ҚР ОАМ 2021 жылғы 20 желтоқсандағы №557 бұйрық) Үлгілік оқу бағдарламасы (ҚР ОАМ 2016 жылғы 12 тамыздағы №499 бұйрық) Мектепке дейінгі ұйымдар қызметінің үлгілік қағидалары (ҚР ОАМ 2022 жылғы 31 тамыздағы №385 бұйрық) Мектепке дейінгі тәрбие және оқыту ұйымдарының педагогтері жүргізу үшін міндетті құжаттардың тізбесі (ҚР БғМ 2020 жылғы 6 сәуірдегі №130 бұйрық) Педагогтерді аттестаттаудан өткізу қағидалары мен шарттары (ҚР БғМ 2016 жылғы 27 қаңтардағы №83 бұйрық) «Мектепке дейінгі ұйымдарға және сәбилер үйлеріне қойылатын санитариялық-эпидемиологиялық талаптар» санитариялық қағидалары (ҚР ДСМ 2021 жылғы 9 шілдедегі №ҚР ДСМ-59 бұйрық) Мектепке дейінгі ұйымдарға арналған білім беру қызметін көрсетудің үлгілік шарты (ҚР БғМ 2016 жылғы 28 қаңтардағы №93 бұйрық) |
1 |
|
2 |
|
|
1.2 |
Мектепке дейінгі тәрбие мен оықту жүйесіндегі педагог: - Қазақстан Республикасының Заңы «Педагог мәртебесі туралы»; - Педагогикалық әдеп ережелері (ҚР БғМ 2020 жылғы 11 мамырдағы №190) |
1 |
|
2 |
|
|
1.3 |
Педагогтерге психологиялық-педагогикалық қолдау көрсету |
1 |
|
2 |
|
|
2 |
Модуль. Мектепке дейінгі ұйымды басқарудағы басшының қызметі, әдіскердің әдістемелік көмек көрсетуі |
4 |
4 |
20 |
28 |
|
2.1 |
«Педагог» кәсіби стандартына сәйкес мектепке дейінгі ұйымның заманауи басшысы мен әдіскерінің кәсіби құзыреттері |
1 |
1 |
4 |
6 |
|
2.2 |
Қазіргі жағдайдағы мектепке дейінгі ұйым басшысының стратегиясы |
1 |
|
4 |
5 |
|
2.3 |
Педагогикалық ұжымдағы қақтығыстарды басқару |
1 |
1 |
4 |
6 |
|
2.4 |
АКТ құралдарын қолдану (Googleформалар, Excell МSкестелер) |
|
1 |
4 |
5 |
|
2.5 |
2.5. Мектепке дейінгі ұйымдардағы тәрбиелеу-білім беру процесін әдістемелік қамтамасыз ету |
1 |
1 |
4 |
6 |
|
3 |
Модуль. Мектепке дейінгі ұйым педагогтерінің тәрбиелеу-білім берудегі іс-әрекетінің мазмұны |
3 |
2 |
16 |
21 |
|
3.1 |
Тәрбие процесі: түсінік, мақсат, міндеттер, мектепке дейінгі ұйымдарда тәрбиелеу-білім беру процесінің құрылымы, негізгі бағыттары мен ерекшеліктері |
1 |
|
4 |
5 |
|
3.2 |
Мектепке дейінгі ұйымдардың тәрбиелеу-білім беру процесінде құзыреттілік тәсілін іске асыру |
1 |
|
4 |
5 |
|
3.3 |
Мектеп жасына дейінгі балалармен жұмыс жасауда инновациялық технологияларды қолдану |
|
1 |
4 |
5 |
|
3.4 |
Мектепке дейінгі ұйым тәрбиеленушілерінің ата-аналарымен (заңды өкілдерімен) өзара әрекеттесуі |
1 |
1 |
4 |
6 |
|
4 |
Модуль. Мектепке дейінгі ұйым педагогтерінің өзін-өзі дамытуы |
2 |
1 |
8 |
11 |
|
4.1 |
«Маманның кәсіби құзыреттілігін бағалау» |
1 |
|
4 |
5 |
|
4.2 |
Аттестацияға дайындық |
1 |
1 |
4 |
6 |
|
5 |
Модуль 5. Өзіндік жұмыс және бағалау |
2 |
3 |
6 |
11 |
|
5.1 |
Тыңдаушылардың сапалық құрамына сәйкес және олардың кәсіби қажеттіліктерін ескере отырып, бағдарлама мазмұнын саралау. Тыңдаушыларға қиындық тудыратын сұрақтар бойынша мәселелерді талқылау және шешу |
1 |
|
3 |
4 |
|
5.2 |
Мектепке дейінгі ұйым педагогінің кәсіби құзыреттілігін өзі бағалауы |
1 |
|
3 |
4 |
|
5.3 |
Жобаларды таныстыру және қорғау |
|
3 |
|
3 |
|
Барлығы: |
14 |
10 |
56 |
80 |
|
Ескерту: 1 академиялық сағат – 45 минут.
8. Бағдарлама нәтижелерін бағалау
Қорытынды бағалау презентацияларды дайындауды және курс тыңдаушыларының топтық жобаларын қорғауды қамтиды, онда тыңдаушылар гипотезаны құрастырады, қол жеткізілген нәтижені көрсетеді, сондай-ақ олардың әрекеттерін болжайды. Жобалардың/презентациялардың тақырыптары, мақсаттары мен критерийлері педагогтердің әрбір санатының қызметінің ерекшеліктерін, олардың дайындық деңгейін, қызығушылықтары мен қажеттіліктерін ескере отырып таңдалады.
Тыңдаушылардың дағдыларын бағалау кезінде практикалық және өзіндік жұмыстарды орындау барысында алынған нәтижелер ескеріледі. Аралық және қорытынды бағалау үшін Google дисктегі тестілік бақылау нысаны қолданылады.
Өзін-өзі және өзара бағалауда белсенділікке, жаңа идеяларға, жауаптардың толықтығы мен тереңдігіне, белсенді кері байланысқа баса назар аударылады. Тыңдаушылардың өзіндік және практикалық жұмыстарын бағалау, өзін-өзі және өзара бағалау критерийлері: ақпарат көздерінің әртүрлілігі, жұмыс сапасы, шығармашылық көзқарас. Келесі шкала ескеріледі:
0-40% - орындалған жоқ;
41-50% - жартылай орындалды;
50-70% - қанағаттанарлық;
71-90% - жақсы;
91-100% - өте жақсы.
9. Курстан кейінгі қолдау
Тыңдаушыларға Бағдарлама идеяларын іске асыруда курстан кейінгі қолдау курстық оқытудан кейін бір жыл ішінде онлайн қоғамдастық, вебинарлар, семинарлар, сабақтарды бақылау, консультациялар ұйымдастыру түрінде жүзеге асырылады.
Тренер 1-3 ай ішінде тыңдаушылардың кәсіби даму мақсаттарына сәйкес практикада одан әрі іске асыру үшін практикалық, теориялық, жеке контекстте курс идеяларын түсінуге қолдау көрсетеді:
- жаңа білім мен дағдыларды тәжірибеге кіріктіру жолдары туралы вебинар;
- консультациялар;
- қосымша ресурстармен қамтамасыз ету.
4-9 ай ішінде тренер тыңдаушыларға оқытуды жақсарту үшін Бағдарлама идеяларын тәжірибеге енгізуге қолдау көрсетеді:
- бағдарлама идеяларын іс жүзінде жүзеге асырудағы қиындықтарды жеңу бойынша вебинар;
- сабақтарды бақылау;
- консультациялар.
10-12 ай ішінде тренер тыңдаушыларға Бағдарлама идеяларын практикаға енгізу тәжірибесі туралы рефлексия жасауға және оны одан әрі жетілдіруге педагогтердің идеяларды іске асыру тәжірибесін жалпылау және одан әрі жетілдіру бойынша семинар өткізу арқылы қолдау көрсетеді.
Курстан кейінгі іс-шараларды өткізу тыңдаушылардың мектепке дейінгі білім беруде оқу бағдарламаларын іске асырудың заманауи тәсілдерін, мектепке дейінгі білім беру педагогтарының үздіксіз кәсіби дамуын, қазіргі жағдайда мектепке дейінгі ұйымды басқаруды, мектеп жасына дейінгі балаларды психологиялық-педагогикалық сүйемелдеуді, оларды өз ұйымдарында нақты өмірлік жағдайларда пайдалану үшін қажетті дағдылар мен құзыреттерді жақсы түсінуіне; педагогикалық тәжірибені байытуға және т. б. бағытталған.
10. Негізгі және қосымша әдебиеттер тізімі
Негізгі әдебиеттер:
1. Білім туралы. Қазақстан Республикасының 2007 жылғы 27 шілдедегі № 319-III Заңы// Электрондық ресурс: https://adilet.zan.kz/rus/docs/Z070000319_(қаралған күні: 21.05.2024 ж.).
2. Педагог мәртебесі туралы. Қазақстан Республикасының 2019 жылғы 27 желтоқсандағы № 293-VI Заңы // Электрондық ресурс: https://adilet.zan.kz/rus/docs/Z1900000293 (қаралған күні: 21.05.2024).
3. Қазақстан Республикасының мектепке дейінгі, орта, техникалық және кәсіптік білім беруді дамытудың 2023-2029 жылдарға арналған тұжырымдамасын бекіту туралы. Қазақстан Республикасы Үкіметінің 2023 жылғы 28 наурыздағы № 249 Қаулысы // Электрондық ресурс: https://adilet.zan.kz/rus/docs/P2300000249 (қаралған күні: 21.05.2024).
4. Мектепке дейінгі тәрбие мен оқытуды дамыту моделін бекіту туралы. Қазақстан Республикасы Үкіметінің 2021 жылғы 15 наурыздағы № 137 Қаулысы // Электрондық ресурс: https://adilet.zan.kz/rus/docs/P2100000137 (қаралған күні: 21.05.2024 ж.).
5. «Педагог» кәсіптік стандартын бекіту туралы. Қазақстан Республикасы Оқу-ағарту министрінің м.а. 2022 жылғы 15 желтоқсандағы № 500 бұйрығы// Электрондық ресурс: https://adilet.zan.kz/kaz/docs/V2200031149 (қаралған күні: 21.05.2024).
6. Мектепке дейінгі тәрбие мен оқытудың мемлекеттік жалпыға міндетті стандарты. Қазақстан Республикасы Білім министрінің 2022 жылғы 3 тамыздағы № 348 бұйрығына 1-қосымша // Электрондық ресурс: https://adilet.zan.kz/rus/docs/V2200029031#z20 (қаралған күні: 21.05.2024).
7. Алексеева, Е. Е. Психологические проблемы детей дошкольного возраста: учебник и практикум для вузов / Е. Е. Алексеева. – 2-е изд., испр. и доп. – Москва: Издательство Юрайт, 2020. – 195 б.
8. Галигузова, Л. Н. Дошкольная педагогика: учебник и практикум для вузов / Л. Н. Галигузова, С. Ю. Мещерякова-Замогильная. – 2-е изд., испр. и доп. – Москва: Издательство Юрайт, 2020. – 253 б.
9. Garcia, J.L., Heckman, J.J., Leaf, D.E., Prados, M.J. (2019). QuantifyingtheLife-cycleBenefitsofanInfluentialEarlyChildhoodProgram [Количественная оценка преимуществ жизненного цикла влияния программы раннего детства]. NBER Working Paper №23479//Электрондық ресурс: https://heckmanequation.org/www/assets/2017/01/w23479.pdf (қаралған күні: 22.05.2024).
10. Дуэк Кэрол. Гибкое сознание. Новый взгляд на психологию развития взрослых и детей. – М.: Изд-во Манн, Иванов и Фербер, 2024. – 304 б.
11. Ежкова, Н. С. Дошкольная педагогика: учебное пособие для вузов / Н. С. Ежкова. – Москва: Издательство Юрайт, 2020. – 183 б.
12. Ирсалиев С.А. Дошкольное обучение и воспитание (ДВО): история и современные тренды// Электрондық ресурс: https://qyzpu.edu.kz/uploads/uploaded_files.pdf?_t=1617940867(қаралған күні: 22.05.2024).
13. Киикова Г. Проблемы дошкольного образования в Казахстане// Электрондық ресурс:https://cabar.asia/ru/problemy-v-doshkolnom-obrazovanii-v-kazahstane (қаралған күні: 22.05.2024).
14. Козлова, С.А. Образовательные программы для детей дошкольного возраста: учебник и практикум для вузов / С. А. Козлова, Н. П. Флегонтова. – Москва: Издательство Юрайт, 2020. – 202 б.
15. Колыхматов, В.И. Профессиональное развитие педагога в условиях цифровизации образования: учеб-метод. пособие – СПб.: ГАОУ ДПО «ЛОИРО», 2020. – 135 б.
16. Мухиденова Ж.А., Липкина Н.Г., Амирхамзина Р.Г. Пути и способы управления методической работой в ДОО// Научный журнал. 2021. №6 (61)// Электрондық ресурс: https://cyberleninka.ru/article/n/puti-i-sposoby-upravleniya-metodicheskoy-rabotoy-v-doo(қаралған күні: 22.05.2024).
17. Методика обучения и воспитания в области дошкольного образования: учебник и практикум для вузов / Н. В. Микляева [и др.]; под редакцией Н.В. Микляевой. – 2-е изд. – Москва: Издательство Юрайт, 2020. – 450 с.
18. Микляева, Н. В. Дошкольная педагогика: учебник для вузов / Н. В. Микляева, Ю. В. Микляева, Н. А. Виноградова; под общей редакцией Н. В. Микляевой. – 2-е изд., перераб. и доп. – Москва: Издательство Юрайт, 2020.
19. Неумоева-Колчеданцева Е.В. Психолого-педагогическое взаимодействие участников образовательного процесса: учебное пособие для вузов / Е.В. Неумоева-Колчеданцева. – Москва: Издательство Юрайт, 2020. – 159 б.
20. Самкова И.А. Развитие системы психологического сопровождения в дошкольном образовании// Вестник практической психологии образования. 2020. Том 17. № 1. – С.59-69//Электрондық ресурс: https://doi.org/10.17759/bppe.2020170107//https://psyjournals.ru/journals/bppe/archive/2020_n1(қаралған күні: 22.05.2024).
21. Управление дошкольным образованием: учебник и практикум для вузов / Н. А. Виноградова [и др.]; под редакцией Н. А. Виноградовой, Н. В. Микляевой.– 2-е изд., испр. и доп. – Москва: Издательство Юрайт, 2020. – 530 б.
22. Юревич, С.Н.Взаимодействие дошкольной образовательной организации и семьи: учебное пособие для вузов / С. Н. Юревич, Л. Н. Санникова, Н. И. Левшина. – Москва: Издательство Юрайт, 2020. – 181 б.
Қосымша әдебиеттер:
23. Дроздова, С. И. Основы управления дошкольным образованием: курс лекций для студентов специальности 1-01 01 02-03 «Дошкольное образование. Иностранный язык (английский)» / С. И. Дроздова. – Новополоцк: ПГУ, 2015. – 196 б.
24. Жиенбаева С.Н. Жобалық іс-әрекет – мектепке дейінгі білім берудегі инновациялық құбылыс ретінде / С.Н. Жиенбаева, А.Д. Сыздықбаева // Сиб. пед. журнал - 2013. – № 2. - 189-193 б//Электрондық ресурс: http://cyberleninka.ru/article/n/proektnaya-deyatelnost-kak-innovatsionnyy-phenomen-v-doshkolnom-obrazovanii (қаралған күні: 21.05.2024 ж.).
25. Как разработать основную общеобразовательную программу дошкольного образования / Под. общ. ред. Р.Г. Чураковой. – 2-е изд. испр. – М.: Академкнига/Учебник. – 2012. – 192 б.
26. Қазақстан Республикасы Білім және ғылым министрлігімен келісілген 2020-2021 жылдарға арналған біліктілікті арттыру курстарының білім беру бағдарламаларының тізбесі. // Электрондық ресурс: https://www.gov.kz/memleket/entities/edu/press/article/details/74809?lang=ru (қаралған күні: 21.05.2024).
27. Қазақстан Республикасы Білім министрлігімен 2022 жылға келісілген біліктілікті арттыру курстарының білім беру бағдарламаларының тізбесі // Электрондық ресурс: https://www.gov.kz/memleket/entities/edu/documents/details/624051?lang= ru (қаралған күні: 21.05.2024).
28. Қазақстан Республикасы Білім министрлігімен 2023 жылға келісілген біліктілікті арттыру курстарының білім беру бағдарламаларының тізбесі (орыс тілінде) // Электрондық ресурс: https://www.gov.kz/memleket/entities/edu/documents/details/ 577361?lang= ru (қаралған күні: 21.05.2024).
29. Чумакова И.В., Гайдукова С.А., Свистунова Е.Г. Современные образовательные технологии деятельности педагога при реализации ФГОС ДО: Учебно-методическое пособие. – Тула: ГОУ ДПО ТО «ИПК и ППРО ТО», 2017. – 228 б.
30. Шакирова Е.В. Проектный метод в образовательной деятельности дошкольников: история понятия, технология // Современное дошкольное образование. – 2022. – №1(109). – С. 56–68// Электрондық ресурс: DOI: 10.24412/1997-9657-2022-1109-56-68 (қаралған күні: 22.05.2024).
Бұл курстың 3,4,6 бөлімдері өте актуалды проблемаларды котереді
Курстың психологиялық аспектісі ұнады, әсіресе ата-аналармен қарым-қатынас жүргізу.
Крус жаман емес, құрылымы жақсы. Балабақша тәрбиешілерін тез даярлауға ыңғайлы етіп құрастырылған. Ережелері түсінікті, мағұлмат жеңіл, түсінікті түрде жеткізіледі.
Курстың сапасы ұнады, барлығы егжей тегжейлі, түсінікті жазылған. Балалармен жұмыс жасау тараптарына қатысты жаттығу жұмыстары қатты ұнады, рахмет.
Маған курстың: «Педагог» кәсіби стандартына сәйкес мектепке дейінгі ұйымның заманауи басшысы мен әдіскерінің кәсіби құзыреттері 2.2. Қазіргі жағдайдағы мектепке дейінгі ұйым басшысының стратегиясы деген бөлімдері ұнады.
Қазіргі кездің балаларына арнайы заманауи подход керек. Байлардың көбісі түрлі техникаға жастайынан үйір болып, мазасыздық көрсетеді. Бұл проблемалардың алдың алу үшін педагогтарға бұндай курстар ауадай қажет.
Маған балаларды тыныштандыру туралы бөлім қатты жағымды болды. Кішкентай бүлдіршіндерді тыныштандыру кейде қиыншылық алып келеді, әсіресе енді ғана балабақшаға үйренісіп жүрген кезде балалар қатты қобалжып, ынжығар болады. Бұл техникалардың практикалық маңызы зор.👍
Маған бұл курс қатты ұнады, әсіресе ата-аналармен жұмыс жүргізу бөлімі. Бұл менің кәсіби шеберлігіме соз ықпалын тигізді.Ата-аналармен жұмыс жасау үшін біраз психологияда хабарын болуы керек, осындай курстардың барына рахмет.
«Мектепке дейінгі тәрбие мен оқыту педагогтерінің кәсіби құзыреттілігін арттыру» курсының мазмұны өте жақсы құрылған. Қазіргі жаһандық заманға сай тақырыптарды қозғайды. Негізі мектепке дейінгі білім, бұл балалардың бүкіл алғы ғұмырын қалыптастыратын білім, бұл мәселеге бей-жай қарауға болмайды.