«Жоғары сынып оқушыларының функционалдық сауаттылығын дамыту» педагогтерге арналған қысқа мерзімді  біліктілікті арттыру курсының білім беру бағдарламасы (бұдан әрі – Бағдарлама, Тыңдаушылар) тыңдаушылардың біліктілігін арттыру курстарының білім беру процесін онлайн-форматта реттейді. 

Бұл Бағдарлама тыңдаушыларды білім алушылардың базалық білімін қамтитын және ХХІ ғасыр дағдыларын меңгертудің алғышарты болып табылатын функционалдық сауаттылықтың өзектілігімен таныстыруға бағытталған. Сонымен қатар Бағдарлама мазмұнында жоғары сынып оқушыларының өзгермелі әлем жағдайына сәтті бейімделуге және өзін әртүрлі қызмет түрлерінде жүзеге асыруға мүмкіндік беретін дағдыларды қалыптастыруды және білім алушылардың жас ерекшеліктеріне сәйкес шығармашылық ойлауын, оқу, математикалық және жаратылыстану сауаттылығын дамытуды оқу процесінде жүзеге асырудың тәжірибелік мәселелерін қамтиды.  

Бағдарлама бойынша курста оқыту ұзақтығы 80 академиялық сағатты құрайды.

1. Білім беру сапасына қойылатын талаптарды арттыру. Қазіргі әлемде функционалдық сауаттылық білім беру сапасының маңызды компоненттерінің бірі болып табылады. Бұл мектеп түлектеріне оқу, жазу, математика, жаратылыстану және басқа да білім салаларына қатысты өмірлік мәселелерді сәтті шешуге мүмкіндік береді. Алайда, халықаралық салыстырмалы зерттеулердің нәтижелері қазақстандық оқушылардың сауаттылық деңгейіне қойылатын талаптарға сәйкес келмейтінін, зерттеудің барлық бағыттары бойынша функционалдық сауаттылықтың шекті деңгейіне жетпейтінін, ал олардың көрсеткіштері ЭЫДҰ елдерінен тұрақты артта қалып отырғанын көрсетеді. Себебі, білім алушылардың едәуір бөлігі сыни тұрғыдан ойлауды, проблемаларды шешуді, ақпаратпен жұмыс істеуді білмейтіндігі айтылады. 2018 жылғы зерттеу қорытындылары бойынша Ұлттық баяндамада атап өтілгендей, «PISA-ға қатысқан 10 жыл бойы 15 жастағы қазақстандық білім алушылардың едәуір үлесі зерттеудің барлық үш бағыты бойынша сауаттылықтың шекті деңгейін еңсере алмайды, ал көрсеткіштер ЭЫДҰ елдерінен тұрақты артта қалып отыр» делінген. [3].
2. Білім беру мазмұнын жаңарту және жаңғырту. Қазіргі уақыттағы қолданыстағы жалпыға міндетті білім беру стандарттарының мазмұны педагогтердің алдына білім алушылардың функционалдық сауаттылығын қалыптастыру және дамыту міндетін қояды. Бұл педагогтерден жаңа білім мен дағдыларды және осы салада өз біліктілігін арттыру қажеттілігін талап етеді. PISA 2018 білім беру жетістіктерін бағалау жөніндегі халықаралық бағдарламаның жаһандық рейтингісінде Қазақстан 79-дан 69-орынға ие болып, орта деңгейден төмен және білім алушылардың жалпы сауаттылығының төмендеуін көрсетті. Оқу сауаттылығы бойынша елдің орташа балы 387 баллды, математикалық – 423 баллды және жаратылыстану – 397 баллды құрады. PISA сауаттылық деңгейін зерттеу: Қазақстанның ұпайлары ЭЫДҰ бойынша орташа деңгейден әлдеқайда төмен [5]. 
3. Педагогтердің білім алушылардың функционалдық сауаттылығын қалыптастыруға және дамытуға кәсіптік дайындығының әлсіздігі. ЭЫДҰ-ның TALIS зерттеуі педагогтарды қолдаудың қабылданып жатқан шараларына қарамастан, педагогикалық білім беру ерекше назар аударуды және біліктілікті арттыру жүйесімен одан әрі дамытуды талап ететінін көрсетті [8].

Сонымен бірге, зерттеулерге сәйкес, мұғалімдердің көпшілігі практикалық міндеттерді орындауға нашар дайындалған, білім алушылардың функционалдық сауаттылығын дамыту үшін жеткілікті білімі, дағдылары мен құзыреттері жоқ. 

Осылайша, бағдарлама өзекті болып табылады, өйткені ол білім беру сапасына қойылатын заманауи талаптарға жауап береді және педагогтарға жоғары сынып оқушыларының функционалдық сауаттылығын қалыптастыру саласында өз біліктілігін арттыруға мүмкіндік береді. 

Бағдарламаның мақсаты: жоғары сынып оқушыларының функционалдық сауаттылығын қалыптастыру және дамыту мәселелері бойынша педагогтердің кәсіби құзыреттілік деңгейін арттыру. 

Бағдарламаның міндеттері:

1) педагогтердің функционалдық сауаттылықтың мәні мен оның білім берудегі рөлі туралы түсінігін қалыптастыру, функционалдық сауаттылықты дамытудың заманауи теориялық тәсілдерімен таныстыру, олардың мазмұнын ашу;

2) жоғары сынып оқушыларының функционалдық сауаттылығын дамытудың мақсатымен, міндеттерімен және ерекшеліктерімен таныстыру;

3) жоғары сынып оқушыларының функционалдық сауаттылығын дамыту бойынша әдістемелер мен технологияларды қолдануды меңгерту;

4) оқу пәндерінің мазмұны шеңберінде функционалдық сауаттылықты дамыту жөніндегі тапсырмаларды қолдана отырып, оқу процесін құру дағдыларын жетілдіру.

Күтілетін нәтижелер: 

1) педагогтерде функционалдық сауаттылықтың мәнін және оның білім берудегі рөлін түсінеді, функционалдық сауаттылықты дамытудың заманауи теориялық тәсілдерін біледі;

2) жоғары сынып оқушыларының функционалдық сауаттылығын дамытудың мақсатын, міндеттерін және ерекшеліктерін меңгереді;

3) жоғары сынып оқушыларының функционалдық сауаттылығын дамыту бойынша әдістемелер мен технологияларды қолдана алады;

4) оқу пәндері бөлінісінде функционалдық сауаттылықты дамыту жөніндегі тапсырмаларды қолдана отырып, оқу процесін құруды жоспарлайды.

Бағдарламаның практикалық маңыздылығы келесідей:

1. Бағдарлама жоғары сынып оқушыларының функционалдық сауаттылық деңгейін арттыруға бағытталған. Бұл мектеп түлектеріне мектепте алған білімдері мен дағдыларын пайдалануды талап ететін өмірлік міндеттерді сәтті шешуге мүмкіндік береді.

2. Бағдарлама тыңдаушыларға жоғары сынып оқушыларының функционалдық сауаттылығын қалыптастыру және дамыту үшін қажетті білім мен дағдыларды меңгертеді. Бұл педагогтерге өз тәжірибесінде білім алушылардың функционалдық сауаттылық деңгейін арттыруға ықпал ететін заманауи әдістер мен тәсілдерді қолдануға мүмкіндік береді.

3. Бағдарлама Қазақстанда білім беру сапасын арттыруға ықпал етеді. Себебі функционалдық сауаттылық білім беру сапасының маңызды құрамдас бөлігі болып табылады.

Бағдарлама бойынша оқудан өткен педагогтер өз тәжірибесінде білім алушылардың функционалдық сауаттылығын дамытуға бағытталған түрлі әдістер мен тәсілдерді қолданатын болады.

Бағдарлама бойынша оқытудан өткен педагогтер білім алушыларда функционалдық сауаттылық деңгейінің жоғарылауына ықпал етеді, олар мектепте, сондай-ақ болашақ мамандықта алған білімдері мен дағдыларын пайдалануды талап ететін өмірлік міндеттерді шешуде табысты болады.

5. Бағдарламаның құрылымы мен мазмұны

Құрылымы бойынша Бағдарлама 4 модульден тұрады, оның ішінде сабақ тақырыбы бойынша шолу дәрістері, бейне сабақ, презентациялық теориялық материал және оқу мақсаттарының жетістіктерін бақылау мақсатында бекіту үшін практикалық тапсырмалар бар. Әр модульдің соңында белгілі бір тақырып бойынша вебинар жоспарланған және сабақ жоспарын жасауға өзгерістер мен толықтырулар енгізуге уақыт бөлінеді.

Подробнее тут https://cloud.mail.ru/public/wM75/6gVbGjUdW